रणसंग्राम...

असावं लिखाण, येऊन उधाण

काळजात ठसवावं...

कवी तू राजा, जागवून प्रजा

रणसंग्राम पेटवावं...    !! धृ !!

ख-या खोट्याची जाणून गती

दूश्मनाची पाहून नीती

करून कोंडी, उचलून धोंडी

खिंडीत गाठवावं...

कवी तू राजा, जागवून प्रजा 

रणसंग्राम पेटवावं...    !! १ !!

सत्ता चालाया असता रांडव

नको नको ते करीतो तांडव

टोचून वेसन, पाडाया आसन

वेळीच उठावावं...  

कवी तू राजा, जागवून प्रजा 

रणसंग्राम पेटवावं...    !! २ !!

नको पाहू उमेदवाराच्या जाती

इमानदारीत त्याच्या असावी माती

बूथवर जाऊन,शाई ती लावून 

शिक्का तु वठवावं...

कवी तू राजा, जागवून प्रजा 

रणसंग्राम पेटवावं...    !! ३ !!

महापुरूषांची वाचावी गाथा

त्यांच्या चरणी टेकुनी माथा

योग्या तु जागून, मत्सर त्यागून

विचार आठवावं... 

कवी तू राजा, जागवून प्रजा 

रणसंग्राम पेटवावं...    !! ४ !!