पुरातन वाड्याची भग्नावस्था

किती होते तुझे वैभव जणू सोन्यात मढलेले

नको वाटे तुला आता असे बघणेच तुटलेले

पुरानी खास डौलाची इमारत पूर्वजांची तू

तुटे काळीज बघताना अता मातीत पडलेले

चिरेबंदी असा वाडा इथे वैभव जरी होते

तरी आता असा उघडा बघा कोणीच नसलेले.

किती डौलात वाडा हा दिमाखाने उभा होता

परी घर वाटते आता भुतांसाठीच बनलेले

अता जाणे तशा जागी भितीदायक किती आहे

तरीही आठवण येते जुन्या काळी बघितलेले