लाइब्रेरी
प्रोफाइल
प्रतिक्षा सख्याची
प्रतिक्षा सख्याची
1 min
152
प्रतिक्षा सख्याची
वाट पाहते सख्याची
या नां हो परतुनि धनी
धडधडतेय माझ्या उरी
अभद्र विचार येई मनी
निघालेय राऊळी आता
घालते साकडेच देवाला
शिवशंभुची करते भक्ती
पावेल माझ्या नवसाला
हुरहूर लागलीय मनाला
नयन हे तुमच्या वाटेला
रस्ता झालाय वळणाचा
पदरव ऐकवा कानाला
नथ घालुनीच मी सजले
कुंतलात फुलांचा गजरा
नदीतीराच्या राऊळातुन
वळती अनेकांच्या नजरा
तांब्याचा कलश निरांजन
घेऊनी तबकही मी हाती
पूजिते भावभक्तीने ईश्वरां
भिजवल्यात तुपाने वाती
इरकली लुगडे नेसले मी
चापूनचोपून हे विटकरी
बांधा शेलाटा असे माझा
तुम्ही सुखाचेच वाटेकरी
गळा शोभतेय मंगळसूत्र
सोज्वळ रूप दिसे गोजिरे
हिरवळीतूनीच चालताना
पाऊल पडते असे साजिरे
या बिगीबिगी हो झडकरी
नयन माझे पहा आसावले
तुमच्या मिलनास अतृप्त
अश्रूंनी होतील मग ओले
