प्रेमाच्या गावात

तुझे माझे प्रेमाचे

एकच गाव आहे

ह्रदय त्याच नाव आहे

त्याच गावात प्रवेश करायचा आहे

तिथेचतर तुला मला 

एक व्हायच आहे

त्या मार्गावरील प्रवास

सहज सोपा नसला तरी

अवघड नाही

काटेच असलेतरी

वेचायला जड नाही

त्याच वाटेवरून तुला

माझ्या सोबत यायच आहे

बघ तुला यायला जमेल का ?

तुला आणि मलाही माहीत आहे

भावनांच्या पारावर

तुझे माझे मन रोज

भेटतात

तिथे तुझे माझे 

हितगुज करतात

काय करायचे कुणाला

काहीच कळत नाही

होकार नकाराच्या 

वळणावर येवूनही

थांबलेली पावले मागे

वळत नाहीत

तुझी माझी वाट वेगळी होताना

डोळ्यात बंद करून

घेण्यासाठी

मागे वळून बघितल्याशिवायही

राहवत नाही

गालावरच्या हसूलाही

आता वाटायला लागले

अस बघून बघून

किती दिवस हसायचे

ऐखदा भेटून बोलून तरी

घ्यायचे

तुझ्या माझ्या नजराही

एकमेकांना बघत असतात

चोरून चोरून बघण्याच कारण विचारतात 

पण ठरवूनही मनातल

बोलता येत नाहीत

प्रेमाच गावही बदलवता येत नाही

तुझ्या माझ्या मिलनाचा

मुक्काम ऐकाच गावात

व्हावा

म्हणून मी तु येण्याच्या

प्रतीक्षेत आहे

उघडा आहे ह्रदयाचा

दरवाजा

बघ तूला यायला जमेल का ?