प्रेमाची परिभाषा

प्रेमाची परिभाषा ती काय असते

कधी चंचल उनाड वारा

तर कधी मोकळे रान असते

मनाने एकमेकांची केलेली सोबत असते

कधी शांत सागर किनारा

तर कधी उफाळणारी नदी असते

दोघांचे मौन इथे संवाद असते

कधी चुकणारा ठोका हृदयाचा

तर कधी पापण्यांची उघडझाप असते

हळुवार स्पर्शाची जणू झालर असते

कधी प्रवास हा काट्याकुट्यांचा

तर कधी मुलायम पायवाट असते

आंबटगोड अनुभवांची ही शिदोरी असते

कधी मंतरलेली पहाट जादुई

तर कधी निराशाग्रस्त संध्याकाळ असते

नाते जगावेगळे जे प्रेम असते

कधी नाजूक बंध रेशमी

तर कधी जकडणारा पाश असते