प्रेम छटा
प्रेम छटा
चंद्र आहे सोबत आपल्या
शितल त्याचा प्रकाश
काही सांगायचे आहे तुजला
आठवण प्रेमाची अशी खास
लुकलुकत्या चांदण्यांच्या
छता खाली बैसलो दोघे
मोजत होतो स्वप्ने आपले
हाती हात तुझा पूर्ण रात्र जागे
दरवळत आहे रात राणी
अंतरमुग्ध तिचा गंध
थंड झुळूक थरथरती अधरे
सोबत आपण हरपले बंध
प्रेम छटा मग उमटली मनी
प्रतिमा दोघांच्या या डोळा
आतुर ह्रदयी वसते प्रीती
हसरी छटा मग दिसते गाली