कसे कळावे तुला
कसे कळावे तुला
कसे कळावे तुला साजणा
भाव माझ्या मनातले
जपले माझ्या मनात मी
मोती जणू शिंपल्यातले
कशी कळावी तगमग ही
अबोल शब्द ओठातले
भावविश्वातुनी रमले
जीवन हे वाटेतले
कशी कळावी वेदना ही
साठवीत अश्रूंची फुले
उधळूनी रंग प्रीतीचे
रेशीमबंध व्हावे खुले
कशी कळावी आठवण ही
मनपाखरू हे आवरले
मी माझेपण तुझ्यात गुंतुनी
तुझ्या आठवणींनी सावरले
कसे कळावे तुला साजणा
मूक अश्रू हसण्यातले
आशेच्या तप्त निखाऱ्यात
दिसे भाव हे फसण्यातले........