पंढरपूर

चला जाऊ आज l पंढरपूराला l

जाऊ दर्शनाला l माऊलीच्या ll

पांडुरंग माझा l आहे पंढरीशी l

चला रे तयाशी l भेटायाला ll

वारी घडो माझी l नित्य नियमाने l

तयाच्या कृपेने l जाऊ चला ll

जाऊ पंढरीशी l देवाशी भेटाया l

पडू त्याच्या पाया l सदा सदा ll

देव उभा आहे l सदा भक्तांसाठी l

जाऊ तया भेटी l आज चला ll 

एकादशी आज l पवित्र हा दिन l

होते दर्शनाने l सुखी मन ll

देव माझा थोर l आहे पांडुरंग l

जीव झाला दंग l भक्तीरंगी ll

अंगद हा गातो l तुझं गुण गाण l

देव तू महान l पांडुरंगा ll