फुलांनी घात केला

चूक कुणाची शोधू नकोस धुक्याने घात केला

दोष काटयांस देऊ नकोस फुलांनी घात केला

बांध नदीचा केंव्हा फुटला उन्हाळ्यातील दिवसा

झोपेत येत पावसातील जलाने घात केला

पिके कुठेही कशी दिसेना शेती मधली सजणा

प्रिये आपल्या कुंपणातील कळीने घात केला

नाव बुडाली अचानक कशी शांत डोहात राजा

राणी माझ्या भोवतालच्या दिशांनी घात केला

संसार तुटे आपला कसा बिन वादाने रमणा

प्राणाहूनी प्रिय असे त्या प्रियेने घात केला