पावसाची नशा
पावसाची नशा
रिमझिम पावसाने धरला जोर
कोसळू लागली पावसाची धार
शालू घालून उभी नार
हिरवागार शालू, त्याला डोंगराचे काळे काठ
रंगीबेरंगी सुगंधी फुलांनी सजली दरीची वाट
निसर्गालाही चढते पावसाची नशा
मोरही थुइथुइ नाचू लागतो जसा
पावसात मस्त भिजावे, व्हावे ओलेचिंब
ओठांनी टिपावे तिच्या नाजूक गालावरचे थेंब
प्रणयाचा हा खेळ नकळत पावसात भिजतो लइ भारी
उबदार प्रसन्न होते धरती सारी
प्रसन्न मनाने बघावे इंद्रधनुष्याचे रंग सात
प्रत्येकाला पावसात धरावासा वाटतो हातात हात