पाऊस तुझा माझा.. आपल्या प्रेमाचा..!!🌧❤

- - - - - - - 1 - - - - - - -

तुझ रोखून बघण माझ्याकडे,

अन तुझा तो कटाक्षच न्यारा ।

मी अंतर्बाह्य भिजून जाते,

हाच पाऊस मज खूप प्यारा ।


- - - - - - 2 - - - - - - -

पाऊस तर माझ्या नशिबी ,

आहे रोजचाच ठरलेला ।

कधी तुझ्या कुशीत तर,

कधी त्या उशीत बरसलेला ।

- - - - - - - 3 - - - - - - -

मला पाऊस आवडतो,आणि

 तुला पावसात भिजणारी मी ।

पण भिजताना पावसात नेहमीच वाटते,

तुला वाचेल माझ्या डोळ्यातही कुणी 

- - - - - - - 4 - - - - - - -
पाऊस बाहेर ही आहे अन आत ही,

फरक फक्त इतकाच आहे सख्या ।

मेघ बरसताहेत वसुंधरेच्या मिलनासाठी

आणि डोळे बरसताहेत तुझ्या  प्रेमासाठी ।

- - - - - - - 5 - - - - - - -
थेंब एक पड़ता अचानक,

सुगंधित झाली धरा अशी ।

व्याकुळ होती मिलनासाठी,

जन्मोजन्मीपासून वेडी जशी ।