ओढ लागते मला

बघून मला हसण्याची

कशी तुझी गं कला

तुझ्या प्रीतीची पुन्हा पुन्हा

ओढ लागते मला

मीच लिहितो मीच गातो

तू फक्त ऐकत राहणार

भेटायला येते अस सांगून

मला वाट पहायला लावणार

आल्यानंतर उत्तर देण्याची

कशी तुझी ग कला

तुझ्या प्रीतीची पुन्हा पुन्हा

ओढ लागते मला

तू खुडता फुले पहाटे

एक कळी खाली पडणार

ती कळी येता तुझ्या हाती

मग आपोआप ती फुलणार

पाहून तुझ्या हातच्या

भाग्यवंत त्या फुला

तुझ्या प्रीतीची पुन्हा पुन्हा

ओढ लागते मला

भाव तुझे शब्द माझे

हेच अखेरी उरणार

समजण्यास हे नाते आपले

सारे जीवन अपुरे पडणार

या क्षणी मम आयुष्याची

मी भेट देतो तुला

या आयुष्यात तव प्रीतीची

ओढ लागते मला