नको पाहू अंत...

भाव हा भुकेला |भक्तीचा विठ्ठला|

येशी भेटायला|  पांडुरंगा || १||

सुखे नाम घेता | शुद्ध मुखी चित्ता |

लाभले अनंता | तुझा संग ||२||

अवीट ती गोडी|  संताचीया जोडी |

मना मोह सोडी | मायामिती ||३||

दुर्गुणांच्या संग | अक्षय निसंग |

मोक्ष कैसा सांग | मिळी तुजं ||४||

अंतरी ही चिंता | भय ही वसता | 

कैची भेटी आता | आभाविंका ||५||

किती अंत आता | पाहसी अनंता ||

उरे प्राण आता |  नयनांती || ६||

एकादशी भेटी | संताची आहुती |

प्राण येतो मुखी | अभंगांती ||७||