निसर्ग

निसर्ग माझा गुरु, निसर्ग माझा मित्र l

निसर्ग सावली सुखाची,निसर्ग वाकुली दुःखाची ll

निसर्ग म्हणतो झाली पहाट, नव्या उपक्रमाची धर तू वाट l

रोज नव्याने सूर्य उगवतो, सोनेरी किरणांची उधळण तो करितो ll

जगण्यासाठी नव्याने आनंद मनी फुलवितो, नित्य नवा रंग मनी खुलवितो l

रोजच्या दैनंदिनीचा सर्वांनाच येतो कंटाळा, निसर्ग करितो का कधी दिनक्रमाचा कंटाळा ll

उन्हाळ्यानंतर येतो पावसाळा, पावसाळ्यानंतर येतो हिवाळा l

ऋतुचक्र तो चालवी हे, कोणासाठीही ना थांबे हे ll

कधी तुझ्या कोपाची उदासी, तर कधी उधळण हर्षाची l

कधी भीती सुसाट वादळाची, तर कधी हलकीशी झुळूक वाऱ्याची ll