* नातं जोडणे *

नातं जोडतांना पूर्ण मनाने जोडायचं असतं

जगाला मान्य नसेल तरी घाबरायचं नसतं

लोकांचा विचार केल्याने नातं टिकत नाही

तर नातं टिकवायला सर्वांशी लढायचं असतं

नातं जोडणे सोपे टिकवणे तितकेच कठीण

नातं सच्च्या मनाने नेहमी जपायचं असतं

नातं जर खरं असेल त्यात भेगा नसतात

भेगा पडू लागल्यास प्रेमाने पुरायचं असतं

कुठल्याही नात्यात स्वार्थाला जागा नाहीच

स्वार्थ व शंकेला विश्वासाने हरवायचं असतं

कोणतेही बंधन नात्याला अडथडा नसतो

जिथे बंधन आले त्या नात्याला मोल नसतं

शेवटी म्हणायचं झालं तर,

नातं हे जबाबदारीने पार पाडणारं कर्तव्य

जबाबदारी नसेल तर नात्यात प्रेमही नसतं

लवकर तुटतं ते नातं ज्यात गैरसमझ असतील

नात्यात एकमेकांशिवाय जगायचं नसतं