मोगऱ्याचा गजरा

गजरा माळून आजही जेव्हा हसतेस तू

खरी स्वर्गाची अप्सरा मला दिसतेस तू

मोहक सुंदर रूप तुझे डोळ्यात ठेऊन राहतो

चेहरा आरशात माझा नजरेत तुलाच पाहतो

डोळ्यासमोर माझ्या जेव्हा सजतेस तू

मोगऱ्याचा गजरा हा तुझे सौंदर्य खुलवतो

रोखतो माझा श्वास मी नजर फक्त चलवतो

सुहास येता मोगऱ्याचा मला आठवतेस तू

तुझं माझं प्रेम तसं जगाच्या आगळ वेगळं

भांडण ही मिटत सखे एका गजऱ्यात सगळं

विसरून राग सारा जेव्हा लाजतेस तू

दरवळतो मन मोगरा गजरा फक्त निमित्त

प्रेम मनातून मनाचे वेडी मनाची प्रीत 

अलगद बिलगून जवळ जेव्हा बसतेस तू

स्वर्गाची अप्सरा मला दिसतेस तू