Library
Profile
मला दिसतयं....
मला दिसतयं....
मला दिसतयं
मला स्पष्ट दिसतयं
योग्य ती काळजी घेत
जग कोरोनामुक्त झालयं
सगळं विश्व आनंदाने
मोकळा श्वास घेतयं
मला दिसतयं
मला स्पष्ट दिसतयं
कोरोनानामक महामारीमुळे
माणसाला माणसाची किंमत समजलीयं
सर्वांना एकमेकांशी प्रेमाने वागणं
अाता नक्की उमगलयं
मला दिसतयं
मला स्पष्ट दिसतयं
जीवन क्षणभंगुर आहे
हे सगळ्यांना समजलयं
सारं जग आनंदी राहून
आनंदात जगायला लागलयं
मला दिसतयं
मला स्पष्ट दिसतयं
सगळ्यांच्या जीवनात
आनंदाचं भरतं आलयं
अप्रिय असे दु:ख
प्रिय सुखापुढे हरलयं
मला दिसतयं
मला स्पष्ट दिसतयं
सारीचं आता जीवनाचा
परिपूर्ण आनंद घेताहेत
भुत-भविष्याची चिंता न करता
वर्तमानात समाधानाने जगताहेत
मला दिसतयं
मला स्पष्ट दिसतयं
अवघ्या मानवजातीला
निसर्गाचं मोल कळलयं
सारीचं तनाने-मनाने
निसर्गास जोपासतायं
मला दिसतयं
मला स्पष्ट दिसतयं
निसर्गाचं शोषण होणार नाही
याची सगळे दक्षता घेताहेत
त्यासाठी स्वतःच्या सुख-सुविधांनाही
सगळी चक्क मुठमाती देताहेत
मला दिसतयं
मला स्पष्ट दिसतयं
छोटी-मोठी सारीचं
स्वतःबरोबर प्राणीमात्रांचीही काळजी घेताहेत
त्यांना हवं,नको सारं काही
अगदी काळजीपूर्वक बघताहेत
मला दिसतयं
मला स्पष्ट दिसतयं
ही पवित्र धरा
हिरवळीने संपूर्ण नटली आहे
आणि येथील सर्वांना
आपण स्वर्गात असल्याचा भास होतो आहे
