मी पाहिलंय तुला
मी पाहिलंय तुला
ओढ माझी सखे अशी
मनात तुझ्या मुरताना
मी पाहिलंय तुला बऱ्याचदा
माझ्यासाठी झुरताना ||0||
नजर तुझी प्रीत माझी
लपवण्यात हरली आहे
हृदयी माझी प्रीत तुझ्या
खरं सांग भरली आहे
डोळ्यात तुझ्या प्रेम
प्रतिबिंब रुपी उरताना
मी पाहिलंय तुला बऱ्याचदा
माझ्यासाठी झुरताना ||1||
खोटा खोटा राग तुझा
चेहऱ्यावर दिसतो उठून
रागातील खोल भाव
नजरेत आणणार कुठून
वाघिणीसारखी ही
नजर गुरगुरताना
मी पाहिलंय तुला बऱ्याचदा
माझ्यासाठी झुरताना ||2||
अशी कशी पटणार
खात्री माझी तुझ्याबद्दल
घडवल्याशिवाय सखे
मला तू तीव्र अद्दल
तडफडणारं मन तुझं
माझ्यासाठी हुरहूरताना
मी पाहिलंय तुला बऱ्याचदा
माझ्यासाठी झुरताना ||3||
कधी माझा चेहरा तू
पाहिला नाहीस काय
कधीतरी स्माईल देऊन
बोल हाऊ आर यू, हाय
समोर येताच रागाने
मुद्दाम मला घुरताना
मी पाहिलंय तुला बऱ्याचदा
माझ्यासाठी झुरताना ||4||