Library
Profile
मेघगंधार
मेघगंधार
गर्द मेघांच्या वरातीतून
सजुनी आली पावसाची धार
हिरवाईने नटली धरणी
नववधूचा जसा व्हावा शृंगार
आभाळाची प्रीत अनोखी रीत
बरसे असा धुंवाधार
नदी नाले तुडुंब भरती
दावी प्रेम अपार
गर्द वृक्षांच्या मांडवात
थेंब नाचती नयन चुकार
बेडकांच्या गायनात हरवली
लाजऱ्या पाऊलवाटेची किनार
असा होतो संगम सारा
मोरांचा फुले पिसार
काळजात टिपूनी ठेवावेत
अलगत थंड तुषार
कसे मांडावे शब्दात
हे अलौकिक चमत्कार
नाजूक थेंब करती
अशी काळजाची शिकार
बेडकांचे गळे फुगती
सुर ताल अविष्कार
मांडती प्रीत स्वरात
बांबूंच्या शिखरापार
वळणा वळणाने पाणी
घेते नयनरम्य आकार
डोंगर शिखरे सागर सारे
चिंब भिजती तृप्तीकार
फुलते मनाचे विश्व
होते मन निराकार
भूमीवरती दर्पण बनते
प्रीत घेते आकार
पशु पक्षी फुले
नाहती मेघ मल्हार
असा घडतो संगम
प्रीत भिडे आभाळापार
अधांतरी कसा हा चालतो
प्रीत खेळतो सावळाकार
असाच बरसत रहावा
मेघगंधार मेघगंधार|
