मैफील वाद्यांची

गायनाच्या मैफिलीला

येते रंगत वाद्यांनी

रंग खुलवी चित्रास

वाद्ये जादुमय स्वरांनी

सुरु करताच गाणे

पेटी धरे तिचे सूर

साथी मृदुंग बासरी

रंगे मैफील मधुर

भजनात, किर्तनात

हवी साथ तबल्याची

साज चढवे बासरी

मजा वाढे गायनाची

नर्तनाची मजा वाढे

ढोलकीच्या तालावर

भान हरपून श्रोते

साथ देती ठेक्यावर

असे वीणा तंतुवाद्य

प्रिय ती सरस्वतीला

स्वर छेडिता विणेने

मिळे आनंद मनाला