लाइब्रेरी
प्रोफाइल
माझ्या आकाशातील रंग
माझ्या आकाशातील रंग
1 min
83
माझं जगणं माझं आकाश
निरभ्र अन् स्वच्छंद
मीच भरले आहेत
माझ्या आकाशातील रंग
मीच राधा माझा कृष्ण
माझं पिल्लू माझं घरटं
माझी अस्मिता माझं काव्य
माझा ऋतूही राजा वसंत
माझ्या या रम्य आकाशी
वेदनांना नाही ठावं
अश्रू अन् उसास्यानाही
येथे आहे मज्जावं
संकटांनीही मोठमोठ्या
खुशाल येथे येऊन पहावं
हिम्मतीचीही दाद पाहून
आल्या पावली परतून जावं
माझ्या आकाशाचे रंगी
कुणीही यावं रंगून जावं
नवरंगी या आकाशाचे
गुपित येऊन समजून जावं
सप्तरंगी नि इंद्रधनुषी
हे आहे फक्त माझे आकाश
काळे ढग येथे येण्याचं
सदाच मनोमनी घाबरतात
उठत असती सदाच येथे
सप्तसुरांचे ही तरंग
मीच भरले आहेत या
माझ्या आकाशातील रंग
