लाइब्रेरी
प्रोफाइल
कुलस्वामिनी
कुलस्वामिनी
1 min
463
आई तुळजा भवानी
कर जोडून नमन
तुझ्या कृपेने फुलावे
माझे गोकुळ सदन...१!
तुळजापुरात माते
डोंगरावरती स्थान
सोनसळी पडती ती
मंदिरावरती छान...२!
शिवबांची तू आराध्य
माता हो कुलस्वामिनी
राक्षसाचा नाश करी
महिषासूरमर्दिनी...३!
शिवबांना तलवार
आशीर्वाद देई आई
भक्त रक्षिण्या सदैव
येई धावतच बाई...४!
नवरात्री नऊदिनी
करी करती जागर
फुंकनिया नारी साऱ्या
अष्टमीला ती घागर...५!
भक्त तुझे आई घाली
षठी दिवशी गोंधळ
उदो उदो आई बोला
वाजविती ते संबळ...!६
पोत पलिता हातात
पेटवून गाणे गाती
कवड्यांची माळ गळा
भक्त आनंदी राहाती...७!
