कळलेच नाही

असले तरी मला कधी कळलेच नाही

कळले तरी मला कधी समजलेच नाही

लावीलास जीव प्रेमाने मला तु अनेकदा

पण मला ते आधी उमगलेच नाही

उमगले मला हे जेंव्हा थोडे थोडे तरी

मन माझे व्यक्त कधी होऊ शकलेच नाही

प्रेमाने हात पुढे केलास जरी तु

हात हाती घेणे कधी सुचलेच नाही

भेटले तु नव्या रुपात पुन्हा पुन्हा

पण मी तुला कधी ओळखलेच नाही

तुझी चुक नाही तु भरभरुन दिले होते

प्रेमा तुझा, स्वीकार करणे कधी जमलेच नाही

आता कविताच माझी सखी प्रेयसी

तीज वीण जगणे हे कधी जगणेच नाही