कधी नाही गझल
कधी नाही गझल
1 min
153
पत्र मी फाडले कधी नाही
मी तुला टाळले कधी नाही
खूप आवाज मी दिले होते
तू मला ऐकले कधी नाही
पुस्तके वाचलीस तू मोठी
तू मला चाळले कधी नाही
बाग मी लावली फुलांसाठी
फूल मी तोडले कधी नाही
घाव झालेत स्वाभिमानावर
हात मी जोडले कधी नाही
कोवळे स्वप्न जाळले माझे
युद्ध मी छेडले कधी नाही
वादळे नांदली घरी माझ्या
ध्यान मी मोडले कधी नाही
सारखी भुंकली मला कुत्री
दगड मी उचलले कधी नाही