जोगवा

आईचा जोगवा जोगवा मागेन

आईचा जोगवा जोगवा मागेन ||धृ||

आई आहे जनता सारी भुखी

ठेव प्राणीमात्रांना तू सुखी

पाण्याविना अवनी झाली रुखी

घास प्रेमाचा घाल तू मुखी ||१||

आईचा जोगवा जोगवा मागेन

भेदभाव सारून दर्शनाला येईन

आमच्या माणुसकीच्या भावनेन

मन तृप्त तुझेच मग होईन ||२||

ज्ञानामृताची वाहिन मी परडी

देशद्रोहींची घोटून खरी नरडी

उठवू भारतमातातून त्यांची तिरडी

समतेची,ममतेची भरिन मी दुरडी ||३||

क्रांतीची पेटवून मशाल भारी

योध्दे तयारीशी जमून सारी

कोरोना विषाणू जमता दारी

लसीकरण करून हाकलून देवू स्वारी ||४||

ज्ञानाचा जोगवा जोगवा मागेन

दाही दिशांचा अभ्यास मी करेन

एकात्मतेचा ध्वज उंचच धरेन

मायेचे,प्रेमाचे,स्वाभिमानाचे जीवन जगेन||५||

ऐसा जोगवा अंबे मागून ठेविला

कार्य तत्परतेने मातेस फेडिला

फेरा तुझा कधी ना चुकविला

गोड नैवद्य मी तुज दाखविला ||६||