ज्ञानज्योती
ज्ञानज्योती
सावित्रीबाईंना देऊनी साथ
पेटवली अखंड ज्ञानाची वात
स्त्री जात आली माणसात
टाकुनी अंधश्रध्देची कात ll १ ll
मनी स्त्री उध्दाराची आस
शिक्षणाचा मनी ध्यास
केला निरंतर अभ्यास
घेण्या स्त्रियांनी मोकळा श्वास ll २ ll
त्यागाला तुमच्या वंदन
धर्मांधानीही घेतले लोटांगण
फुलविले स्त्री जातीचे अंगण
रोमहर्षित होते साऱ्यांचे स्पंदन ll ३ ll
शिकवण्या तुम्ही बनलात बाई
वात्सल्यमय सर्वांच्या आई
सोबतीला फुले अन् उस्मान भाई
जन्माचे सार्थक तुमच्याच पाई ll ४ ll
होत्या स्त्रिया निरक्षर
माई व साऊने केले साक्षर
गिरवू लागल्या आत्ता अक्षर
उभारला त्यांनी ज्ञानाचा संगर ll ५ ll
स्त्रीचं अस्तित्व तुमच्यामुळेच आहे
आरक्षणाची खरी मानकरी आहे
स्त्री ही देशाची जननी आहे
माई तू कायम पूजनीय आहे ll ६ ll