शिक्षक
शिक्षक
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
214
शिक्षणाचा मनी भाव
ना कधी करतो दुजाभाव
ध्यासात हिताचा ठाव
गुरु वंदितो सारा गाव ll १ ll
विद्या मंदिरातला मी देव
ज्ञानवसा हीच माझी ठेव
ज्ञानाची सदा करतो देवघेव
ऑनलाईनचं आलं जरी पेवं ll २ ll
दगडांना पण मी घडवतो
सुजाण नागरिक बनवतो
आयुष्याचं सार सांगतो
ज्ञान देऊन कृतार्थ होतो ll ३ ll
मी कायम आहे ज्ञानार्थी
शिक्षणाचं दान हे निःस्वार्थी
घडवतो मी सदा विद्यार्थी
आयुष्य हे असेच परमार्थी ll ४ ll
ज्ञानाचा मी सदा भुकेला
पुस्तके हेच माझ्या साथीला
ज्ञानज्योत जीवनाच्या वातीला
मरूनी परी उरतो कीर्तीला ll ५ ll
बदलली शिक्षणाची गती
माझी मात्र एकच निती
शिक्षणाची सांगू महती
घडवू सर्वांची प्रगती ll ६ ll