जीवन संघर्ष

जीवन संघर्ष ! कुणाला चुकला !

जो आला जन्माला ! मिळे त्याला.!१

जीवनाची वाट ! खाच खळग्यांची !

असे चालायची ! प्रत्येकाला.!२

ठेवावे उघडे ! लागतात डोळे !

परके आपले ! दिसतात.!३

मार्गदर्शन ते ! अनेक मिळते ! 

चालावे लागते ! स्वत:लाच.!४

कधी येते चढ ! कधी हा उतार !

ते अपरंपार ! मानवाला.!५

चढ प्रगतीला ! स्थिर उताराला !

मानव राहिला ! जय त्याचा.! ६

वाटचालीस ह्या ! नसतो दुसरा !

माझा मीच खरा ! तारावया.!७

सुखदुःख नित्य ! जीवनात लाभे !

सुंदरच शोभे ! मानवाला.!८

जन्माला पृथ्वीला ! सार्‍यांना सुखवी !

मृत्यूने दुःखवी ! गोतावळा.!९

येतांना रडला ! प्रत्येक विश्वात !

दुजे रडतात ! मृताशवे.!१०

सांगे प्रभाकर ! जीवन संघर्ष !

घ्यावा परामर्श ! प्रत्येकाने.!११