मन
मन
1 min
169
आज इथे उद्या तिथे
मन उधानला वारा
ओझे विश्वाचे वाहते
मन फाफट पसारा. .१
नको ते सोडले नाही
दु:ख जोडले संगती
हरपली शांत झोप
विचारांच्या त्या पंगती. २
सुख शेजार्याचे नित्य
होते मला जड भारी
त्याच्या दारातली गाडी
छळे माझ्या मना दारी. .३
कुठे पाहिली औकात
स्वप्न बाळगले नवे
त्यास साकरावयास
उणे कर्तृत्व आडवे. .४
माझ्या शिवाय कुणीही
मला दु:ख ना देणार
देतो मी विश्वाला काही
तेच मला मिळणार. .५