Library
Profile
जीवन गाणे गातच रहावे ......
जीवन गाणे गातच रहावे ......
उन्मुख कळीतून
सुगंध पसरण्या ,
जसे फूल फुलावे !
जीवन गाणे गातच रहावे ,
जीवन गाणे गातच रहावे......
ओंजळीतील क्षणात सुख शोधून
मानावं दुःखही आंदण ,
काळरातीतही शोधावं सुखाचं चांदणं !
जीवन गाणे गातच रहावे ,
जीवन गाणे गातच रहावे .........
पुसुनी गेल्या पाऊलखुणा ज्या
वाटेवरी त्या .........
न पुन्हा परतुनी पहावे !
जीवन गाणे गातच रहावे ,
जीवन गाणे गातच रहावे .........
सुख -दुःखाची जणू श्रृंखला
ऊन-पाऊसाचा हा खेळ आगळा ,
कधी किनारी राहून क्षितिज न्याहाळावे !
जीवन गाणे गातच रहावे ,
जीवन गाणे गातच रहावे .........
मावळतीच्या आड़वाटेला
जगरहाटीच्या या लाटेला ,
निःशंक सामोरे जावे !
जीवन गाणे गातच रहावे ,
जीवन गाणे गातच रहावे .........
नयनातूनी ओघळणाऱ्या दुःखाचे
मोती अलगद टिपावे ,
असंख्य काट्यातूनही
सुखाचे एक फूल वेचावे !
जीवन गाणे गातच रहावे ,
जीवन गाणे गातच रहावे .........
गीत सुखाचे नि दुःखाचे
शोभून दिसते प्रत्येकाच्या ओठी ,
भासले जरी.........
तरी जीवन नसते अपुले - अपुल्यासाठी !
जीवन गाणे गातच रहावे ,
जीवन गाणे गातच रहावे .........
जीवन अपुले करावे अर्पण
उरावे कणकण , प्रत्येकाच्या हृदयी ,
तो स्वर गीतांचा निनादेल मग
दाहीं दिशांच्या ठायी !
जीवन गाणे गातच रहावे ,
जीवन गाणे गातच रहावे .........
उन्मुख कळीतून
सुगंध पसरण्या ,
जसे फूल फुलावे !
जीवन गाणे गातच रहावे ,
जीवन गाणे गातच रहावे .........
