जातोपर की ओवी (पोवारी)
जातोपर की ओवी (पोवारी)
पयली मोरी ओवी गा | ओन वाग्देवी माताला |
घड़ीस भोजराजाला | नमन से चरणला .. ||१||
दुसरी मोरी ओवी गा | गडकालीका मायला |
देसे शक्ती पोवारला | नमन से चरणला ….||२||
तिसरी मोरी ओवी गा | देवी गायत्री माताला |
देसे सुबुध्दी सबला | नमन से चरणला ....||३||
चवथी मोरी ओवी गा | श्री भोजदेव राजाला |
पोवार श्रद्धास्थानला | नमन से चरणला ....||४||
पाचवी मोरी ओवी गा | श्रीराम शर्मा गुरुला |
सन्मार्ग देखावनला | नमन से चरणला ...||५||
सहावी मोरी ओवी गा | मोरो माय ना बापला |
शिस्त ना प्रेम देनला | नमन से चरणला ….||६||
सातवी मोरी ओवी गा | मोरो शिक्षक वृंदला |
शिक्षा देसेत सबला | नमन से चरणला ….||७||
आठवी मोरी ओवी गा | मोरो संगी ना साथीला |
मोला विश्वास देनला | नमन उन्को गुणला ....||८||
नववी मोरी ओवी गा | पोवार साहित्यिकला |
पोवारीमा लिखनला | नमन से लेखनीला …||९||