हा असा का धावतो?
हा असा का धावतो?
काय झाले माणसाला हा असा का धावतो?
धावणे जेथे जरुरी का तिथे मंदावतो?
बोलतो कोणा कधी का एक शब्द चांगला
झोड निंदेची उठवण्या का पुढे सरसावतो?
माय बापाची थोरवी गौरवाने सांगतो
शेवटी सांभाळ करण्या, वृद्धाश्रमी धाडतो
आपुल्या नात्यातल्यांचा द्वेष करतो नेहमी
स्वार्थ साधण्यास मात्र खोटे अश्रू ढाळतो
कोरडा झाला कसा हा लाजतो पाषाणही
माणसाच्या आत जैसा लोपला सैतान तो
माणसाच्या मूळरूपी माकडे ही लाजती
ती बरी ऐशा परी माणूस आजचा वागतो