गाणे माझे महिन्यांचे

चैत्र गुढी उभारतो 

नववर्ष सजवतो 

मग वैशाखवणवा 

धरा सारी भाजवितो

भाजलेली भुई मग 

ज्येष्ठ येऊन भिजवी 

झड आषाढ लावतो

राना-पिकांना तोषवी

रिमझिमत मागून 

येतो श्रावणी श्रावण 

होई भाद्रपदामध्ये 

गणेशाचे आगमन

अंबा येई अश्विनात 

सवे दिवाळी-दसरा 

कार्तिकी एकादशीला 

उठे विठू हा साजरा 

मार्गशीर्ष धार्मिक हा 

गीता-दत्त जयंतीचा 

देई गोडवा पौषात

तिळगुळ संक्रांतीचा 

माघी महाशिवरात्री 

थंडी लावी फार जोर 

मग फाल्गुनी होळीचा 

रंगपंचमी कहर!