एकान्त

घरात एकटेच होते

थोड़ी सवडच होती म्हणा

काय करावे विचारात होते

तेच म्युझिक प्लेयर वर नजर गेली

खूप दिवस झाले होते

धूळ साफ करायलाच हात लागतोय

उगाचच न्याहळत होते

मग रिमोट हातात घेतला

एफ एम सुरु केले

अन् बँड बदलायला लागले

ओळखीचं गाणं होतं

तेवढ्यात थांबले

कानावर शब्द उमटले

' जी में आता है

तेरे दामन में

सर छुपाके हम

रोतें रहें, रोतें रहें .......'

कुठल्या विश्वात शिरले

का कोण जाणे

ढसाढसा रडू फूटले

पण पुसायला दामन कुठे होते.......

आसवांसोबत वाहत सुटले

तर गाणं दूर निघून गेलं

लगेच विचार आवरले

गाण्यावर केंद्रित केले

' तेरे बिना जिंदगी से कोई

शिकवा तो नहीं, शिकवा नहीं

शिकवा नहीं, शिकवा नहीं.......'

संगीताची जादू चालली

पुन्हा विचारांचं चक्र वळलच

"तुझ्याशिवाय आयुष्य ते

आयुष्य कुठे उरतं

जगण्याची ही तक्रार सांगावी

असं तुझ्याशिवाय कोण पुरतं......."