एक नवी पहाट

ऐकुनी पक्ष्यांची किलबिलाट,
उजळते स्वप्नांची नवी पहाट.

ठेवूनी मनात नवी आस,
नवा उपक्रम, नवा ध्यास.

प्रत्येकाचा असतो वेगळा प्रवास,
तोच करवितो आयुष्याची सफर खास.

ठेवूनी दूरदृष्टी ,
सोडवाव्यात रोजच्या गोष्टी/कटकटी.

ज्या गोष्टी पटतात, तिथे द्यावे लक्ष,
बाकी गोंधळाकडे करावे दुर्लक्ष.

सद्यपरिस्थितीचा करावा स्वीकार,
त्यातच दडले आहे जीवनाचे सार.

खूप महत्त्वाचे असते योग्य व्यक्ती बनणे,
सोडूनी इतरांचे उणे-दुणे.

स्वतःच बनायची असते स्वतःची ढाल,
करूनी सर्वस्व बहाल.

प्रत्येक दिवशी असतो एक वेगळा लढा,
यातून मार्ग मात्र नक्की काढा.