लाइब्रेरी
प्रोफाइल
चला पावसात भिजू
चला पावसात भिजू
1 min
61
चला पावसात भिजू
झेलू पावसाचे पाणी
भिजण्याची मजा न्यारी
खेळू नाचू गाऊ गाणी
पावसात भिजण्याची
पूरी करु आज हौस
सरीवर सरी येती
आला रे मोठा पाऊस
नभी गडगडे ढग
मधे वीज चमकते
नका घाबरु वीजेला
बघ म्हातारी दळते
फाडा वहीची ती पाने
करु कागदाच्या होड्या
सोडू पाण्यात तयांना
मस्ती करु, थोड्या खोड्या
पहा पागोळ्या पडती
भरु थेंब ओंजळीत
फेकू अंगावर पाणी
मजा येते ओसरीत
