बिजली ताईची मदत

एकदा काय झाले

 आभाळ आले झाकोळून

 नेहमीप्रमाणे ती छत्री

 आली होती विसरून

 टपोरे थेंब गालावरून

 झरझर आले ओघळून

 अशाच एका झाडाखाली

 ती थोडीशी अवघडून

 ओलीचिंब तिची तनु

 केसांमध्ये मोती माळून

 पाहुनी ते रुपडे तिचे

मेघ आला दरवळून

  सावरीत ओले कपडे

 किंचीत थरथर अंगाला

 धांदल तिची बघताना

 वाराही आला रंगाला

 पाहताना ती जलपरी

 मी ही झालो धुंद

 झाकोळल्या जरी दिशा

 मनातला ओला गंध

पापणी देखील न हलवता

 तिला बघण्याचा जडला छंद 

छत्री धरता दोघां वरी

 अत्तराचा सुवास मंद

 निशब्द उभे आम्ही दोघे

 रुतली नजरेत नजर

 मदतीला आली बिजली ताई 

 केला मोठा गजर

 ठरलो त्याक्षणी भाग्यवान मी

 शोध माझा संपला

घट्ट पडली गळा मिठी

 अर्थ आला जीवनाला