भेट तुझी माझी
भेट तुझी माझी
झाले आता वय लग्नाचे
कांदेपोह्यांना उधाण आले
हजार पत्रिका नि प्रस्तावांनी
टेबलावर थैमान घातले
काहीच कळेना त्या वळणावर
मन सुन्न बेभान झाले
साद घालावी कोणास कळेना
बुद्धिमान कैक धनवान आले
बांधली जिथे गाठ होती
मनामनाचे संधान झाले
आस होती ज्याची मनाला
हृदयाचे ते दर्पण झाले
आयुष्याच्या त्या वळणावर
डोळ्यातून सन्मान कळवले
जीवनाच्या पुस्तकातले
हवे हवे ते पान मिळवले
लागली गोडी तुझी सख्या रे
सोनसरीत सारे श्रावण फुलले
नाही राहिले उणे अताशा
तारकांनी माझे अंगण खुलले