बाप
बाप
मनात सारं काही साठवणारा
उद्याच्या जेवणाची चिंता करणारा
प्रसंगी वज्रासम कठोर असणारा
संकटात पाठीवर अबोलपणे हात ठेवणारा
दुःखात खचून न जाता खंबीर उभा राहणारा
रिकामा खिसा असून लाड पुरवणारा
मुलांना शिस्तीचे धडे देणारा
कुटुंबासाठी झटताना स्वतःला विसरणारा
जीवनाचा खरा अर्थ शिकवणारा
जन्मभर कठोर वाटणारा
मात्र लेकीला निरोप देताना हळवा होणारा
आपली परी काळजावर दगड ठेऊन दुसऱ्याला सोपावणारा
मुलांच्या सुखासाठी सदैव हरणारा
असा तो एक बाप असतो.....