बाप

बाप राबतो शेतात

घाम गाळतो मातीत

त्याच्या कष्टातून फुले

मळा पिकांचा डोलात //१//

बाप शेतात जाता

माती पायाला लागती

जगण्याची नवी उमेद

तया देऊन जाती //२//

बाप माझा कष्टकरी

कष्ट करून जगला

बळीराजा स्वतः म्हणवून

जगी मानाने मिरवला //३//

माय होती त्याच्या सोबती

जशी अंधारा आधार पणती

एकमेकांच्या आधारे

संसार गाडा पुढे नेती //४//

माझ्या बापाचे हे कष्ट

मज नित्य प्रेरणा देती

जीवनाची रे कसोटी

मज सांगून जाती //५//

बसता एकांत वेळी

मज आठवतो बाप

त्याच्या कष्टाचे जीने

मज शिकवते खूप //६//