बालपण

प्रत्येक बालपण फुलासारखे..

कळी उमलावी नी हसू यावे ..

भरून रंग उडावे फुलपाखराचे..

कौतुक निरागस हट्टाचे..

आकाशातील पतंगामागे ईर्षेने धावणारे..

काजव्यांचे दिवे डोळयांत चमकणारे..

पाण्यावर तंरगण्या-या कागदी..पण,

साहसी मनाच्या बोटीसारखे..

गर्द रानाईत लपतांना,

लख्ख किरणांना शोधणारे...

हात रीकामा असतांनाही,

जग मुठीत घेऊन मिरवणारे..

विस्तीर्ण नभाखाली झोपतांना,

लुकलुणा-या चादंण्यांची गोष्ट ऐकणारे..

पर्वा कशाचीच न असणारे,

जोशाने पुढे जातांना ..न थांबणारे..

थकलेच तर मायेच्या पदरात बिलगणारे..

असे ते बालपण सा-यांचे..

नेहमीच गोड आठवणींत रमणारे..

मोठेपण हवेसे वाटणारे..

पण तरी लहाणपणात जगणारे..