लाइब्रेरी
प्रोफाइल
अंतर
अंतर
1 min
228
डोळ्यातील हसणे
डोळ्यांतच राहून गेले
तुडुंब भरलेल्या नदीचे
काठ कोरडेच राहिले
श्रावणात फुलली बाग
आंगण घराचे सुकून गेले
असे उघडे दार घराचे
छप्पर वार्याने उडून गेले
भरला कागद निळ्य शाईने
अर्थ शब्दांचे विरून गेले
गजबजलेले गाव माणसांनी
अंतर मनातील वाढत गेले
भरल्या तिजोऱ्या या पैशांनी
संध्यासमईचे दिप विझून गेले
मंदिरात रांगा भल्यामोठ्या
चेहरे देवाचे मात्र हरवून गेले
