अंधश्रद्धा...

अज्ञानाच्या विळख्यात जन

माझ्या देशाची लागली वाट

अंधश्रद्धेने हे मांडलयं ठाण

कशी होईल विकास पहाट||

ज्ञानसूर्यच ते होते सारे

दिव्य रश्मींची नव्हती वाण (उणीव)

बुवाबाजी खुपसून नाक

घातलं मातीत विज्ञान||२||

मुक्या जीवाचा दोष काय?

देह ग्रासला रे रोगाने जरी

बळी देता साध्य होईल का?

लाज बाळग या मनाची तरी||३||

मरीआई लेकरु देईलच कशी?

मानवा तुझ्या नवससायासाने

हे तर कधीचे जगा सांगून गेले

संतश्रेष्ठ तुकाही पोटतिडकीने||४||

ज्ञानज्योतीने प्रहार करू

बुरसटलेल्या विचारांवरी

विवेक जागवून अंतरीचा

जाग हे मनुजा आतातरी||५||