आदर्श परिवार

आजकालच्या जगात फारच

कमी दिसतात आदर्श परिवार |

सुख शांती समृद्धी संगे प्रेम जेथे

नांदे परस्परांची ओढ अनिवार | |१| |

आई वडिल,काका काकू आजी

आजोबा सवे लाडकी आत्याबाई |

मामा मामी भाऊ बहिण भाचा नि

भाची संगे प्रेमळ मावशीबाई | |२| |

एकमेकांना समजून घेती सारे

येणा-या अडिअडचणीच्या वेळी |

भांडण तंटा राग रूसवा विसरून

क्षणात प्रेम नादे जेथे वेळोवेळी | |३| |

प्रेम आदर लळा जिव्हाळा कर्तव्य

नुसते नकोत शब्द बघायला फक्त |

मानसन्मान ठेवून सर्वांचा जिथे 

नसणार कायदे वा नियम ते सक्त | | ४| |