गरजेपुरती मैत्री

स्वार्थी या जगात दिसतो आहे

नवा गरजेपुरती मैत्रीचा फंडा |

गरज सरो वैद्य मरो अशा विचार

करणाऱ्यांचा त्यात हातखंडा | |१| |

मैत्री या शब्दाचा अर्थच यांना

नसतो समजलेला पुर्णपणे |

खरे तर असतात अपात्र‍ लोचट

वागतात ही अती धूर्तपणे | |२ | |

मित्राच्या भावनेची कदर नसते

मुळीच यांना वाटत कधीच |

स्वार्थ साधण्यासाठी असे मैत्रीची

चढवली झूल ती मना मधीच | |३| |

पूर्ण होताच स्वार्थ हे मैत्रीला

ठोकतात अखेरचा रामराम |

गरजेपुरती मैत्री करणारांना मी 

आधीच ठोकलाय रामराम | |४ | |