लाइब्रेरी
प्रोफाइल
अलवार वाजवी पावा
अलवार वाजवी पावा
1 min
369
अलवार वाजवी पावा
अंतरी नाद हा घुमला
रोमांचित होई राधा
मोहवुनी कृष्ण गेला
नादमधूर वेणूचा
मनी स्पर्शतसे राधेला
ही मौनाची प्रेमभाषा
शिकवून कृष्ण गेला
चिंब ओली राधा
पिचकारीतुनी रंग भरला
आनंदतरंग गोकुळी
प्रेम रंगात रंगुनी कृष्ण गेला
प्रीतबंधनात परि ती मुक्ता
प्रेमवेडी राधा बाला
नवपरिभाषा स्त्री भक्तिची
गुंफूनी कृष्ण गेला
उन्मत्त भावनांचा
चहूकडे बाजार मांडलेला
अन् गुपित अमर प्रितीचे
सांगुनी कृष्ण गेला
