अभिमान
अभिमान
निधड्या छातीवर झेलून वार
पडला धारातीर्थी हा देहभार
आठवले क्षणातच जगले आयुष्य जे
डोळ्यासमोर तरळले चेहरे आप्तस्वकीयांचे
शत्रूशी लढला वीर होऊनि जो घडला
देश सेवेच बाळकडू घेऊन स्वाभिमान तो विसरला
अभिमानाने छाती फुलून आली देशाच्या उन्नतीसाठी
गड जिंकले परी वीर दवडले या देश रक्षणासाठी
मातेचे हृदय दाटलं वाट बघता लेकराची
एकांतात अश्रू ढाळून मोकळी होत असे ती माय या देशाची.
स्व कुटुंब सोडून जगला तो वीर देश वाचविण्यासाठी
आभार मानू तयांचे किती .. जो लढला आपल्यासाठी
तोफेचे गोळे, बंदूकीचा मार झेलून राहिला तो वीर देशासाठी
वंदे मातरम चा जयघोष करूया या मातृभूमीसाठी
तिरंग्याची आन-बान-शान राखूया आपल्या भारत मातेसाठी
देशसेवा, देशप्रेम मनात जागवूया उद्याचा भारत घडवण्यासाठी.