आपत्ती
आपत्ती
सगळ्याच आपत्तीं
माणसांना छळतायेत
नुसताच पापाचा घडा भरला
की आयुष्य आता संपत नाही
फुप्फुस भरलं की सगळंच संपतं
आयुष्य उध्वस्त करायला
यमाने ही उघडलीय
महाविकास आघाडी
वादळ, विषाणू
हेच आहेत आता
मृत्यूचे सुकाणू
बंदिस्त झाले आता परमेश्वर
रेमडिसीवर,ऑक्सीजनसिलेंडर
व्हेंटिलेटर हेच आता
जीवनाचे तारणहार
मृत्युनंतर चार खांदे
आता लागत नाहीत
प्लॅस्टिकमध्ये प्रेत नाही
संस्कृती गुंडाळली जातेय.