ഹെൽമറ്റ്

കടയിലോട്ട് ഓടി കയറി... എളുപ്പം വീട് പിടിക്കണം... 

 

കയറി ചെന്നപ്പോൾ കൗണ്ടറിലിരുന്ന ഒരു 30-35 വയസ്സ് പ്രായം തോന്നിക്കുന്ന പയ്യൻ ചോദിച്ചു : "മോന് എന്ത് വേണം"

വേണ്ടിയ സാധനങ്ങൾ വാങ്ങി കടയിൽ നിന്ന് സസന്തോഷം പുറത്തോട്ടിറങ്ങിയപ്പോൾ....

 

4 വയസ്സുള്ള കൊച്ചിൻ്റെ കൈ പിടിച്ച് വന്ന ഒരു സ്ത്രീ (പ്രായം കൂടിയാൽ 30 കാണും) ചോദിച്ചു:

 

"മോനേ ഈ വനിത സ്റ്റോർ എവിടെയാ"

 

ദേ വീണ്ടും.......

 

വാങ്ങിയ സാധനം വണ്ടിൽ വക്കുമ്പോൾ സൗന്ദര്യ കുടിയോ പ്രായം കുറഞ്ഞോ എന്ന ചിന്തയിൽ കുളിർത്ത മനസ്സുമായി വണ്ടി സ്റ്റാർട്ട് ആകുന്നതിനു മുമ്പ് ഹെൽമറ്റ് നോക്കിയപ്പോഴാ... കാര്യം പിടികിട്ടിയത്... ഹെൽമറ്റ് തലയിൽ തന്നേ വച്ച് നടക്കുവാരുന്നു...

 

മറ്റൊരു രഹസ്യവും പിടികിട്ടി.. ഹെൽമറ്റ് വച്ചാൽ പ്രായം തോന്നില്ല.... പിന്നെ ഇടി അടി എന്നിവയിൽ നിന്ന് ഒരു പരിധി വരെ മോചനവും...

 

ഇനി ഈ ഹെൽമറ്റങ്ങ് സ്ഥിരമാക്കിയാല്ലോ എന്ന ആലോചനയാണ്..... കാരണം ഈ 40കാരൻ മദ്ധ്യവയസ്സിൻ്റെ കൈയ്യാലാപുറത്ത് നിന്നും എപ്പോഴും യൗവനത്തിൻ്റെ തട്ടിലാണ് നിൽക്കുവാൻ ആഗ്രഹിക്കുന്നത്....