രചനയുടെ വഴിയിൽ

വിരൽ തുമ്പിൽ അക്ഷരങ്ങൾ 

തമ്മിൽ കൂട്ടിയിടിക്കുന്നു 

കടലാസ്സിൽ ഒരു വാക്കുപോലും 

കാണ്മാനില്ല ; കാലമേ ഇത് എന്ത് 

വിരോധാഭാസം; ആരാണ് തടസ്സം.

ഒരു നീണ്ട ആലോചന വേണം 

തിരികെ നേടണം കാവ്യപ്രചോദനം.

ചിന്തകളിൽ ആശയ പ്രവാഹം 

പ്രഥമഗണന എന്തിനെന്നു അറിയില്ല.

ഹും.. അധ്യോതാവ്‌ തൻ മനസ്സറിയണം 

എന്റെ മാനസത്തിലെ ഏറ്റക്കുറച്ചിലുകൾ 

അറിയണം; അവലോകനം .

ഇന്ന് നല്ല ദിനമായിരുന്നു, സന്തോഷം 

ഉണ്ട്; അപ്പോൾ വിഷയം അതാകട്ടെ.

തൂലിക നീങ്ങിത്തുടങ്ങി, അവസാനിപ്പിച്ച് 

ഒരു മുറ വായിച്ചു നോക്കി , ഇത് എന്ത് 

മറിമായം, വിഷയം മാറിപ്പോയോ 

വീണ്ടും സ്ഥിരം ദുഃഖസൂചകമായ 

വാക്കുകൾ തന്നുടെ ഘോഷയാത്ര, 

ഇനി അടുത്തതിൽ നോക്കാം; 

ഉള്ളിൽ എന്താണെന്ന് ആർക്കറിയാം.